भवाळकर कुटुंबीयांनी जपला रामजन्मोत्सव वारसा
कोरेगाव भिमा (ता.शिरूर) येथील भवाळकर कुटुंबीयांच्या वतीने आयोजित करण्यात आलेला रामनवमी उत्सव यंदाही अत्यंत मंगलमय आणि उत्साही वातावरणात पार पडला. मागील अनेक वर्षांची परंपरा जपत, भवाळकर कुटुंबीयांनी प्रभू श्रीरामाचा जन्मोत्सव मोठ्या थाटामाटात साजरा केला. या सोहळ्याला ग्रामस्थ आणि भाविकांची मोठी उपस्थिती लाभली होती.
आकर्षक सजावट आणि मंगलमय वातावरण : रामनवमीनिमित्त भवाळकर कुटुंबीयांच्या वतीने स्थानिक श्रीराम मंदिरात आकर्षक फुलांची सजावट करण्यात आली थी. रंगीबेरंगी फुले आणि विद्युत रोषणाईमुळे मंदिर परिसर उजळून निघाला होता. सकाळपासूनच मंदिरात भाविकांची दर्शनासाठी गर्दी झाली होती. उत्सवाच्या दिवशी वातावरण अत्यंत पवित्र आणि मंगलमय झाले होते.
भजन, आणि मृदुंग वादनाचा सुरेख संगम : दुुपारच्या वेळी प्रभू श्रीरामाच्या जन्मोत्सवाचा सोहळा पार पडला. यावेळी स्थानिक महिलांनी एकत्रितपणे प्रभू श्रीरामाचा पाळणा गायला. महिलांच्या सुरेल आवाजात गायलेल्या पाळण्याने उपस्थित भाविकांची मने जिंकली.
या सोहळ्याचे मुख्य आकर्षण म्हणजे श्रीनिवास काका जोशी यांचे सुमधुर मृदुंग वादन. जोशी काकांच्या मृदुंग वादनाने भजनाला एक वेगळीच उंची दिली. उपस्थितांनी या मृदुंग वादनाचा आनंद घेतला आणि टाळ्यांच्या कडकडाटात त्यांना दाद दिली.
कोरेगाव भिमा आणि परिसरातील ग्रामस्थ मोठ्या संख्येने या उत्सवाला उपस्थित होते. भवाळकर कुटुंबीयांनी आयोजित केलेल्या या धार्मिक उत्सवामुळे गावात आनंदाचे आणि चैतन्याचे वातावरण निर्माण झाले होते. सर्वांनी एकत्रितपणे प्रभू श्रीरामाचा जन्मोत्सव साजरा केला आणि एकमेकांना रामनवमीच्या शुभेच्छा दिल्या.
परंपरा आणि संस्कृतीचे संवर्धन : भवाळकर कुटुंबीयांकडून मागील अनेक वर्षांपासून रामनवमीचा हा उत्सव मोठ्या उत्साहात साजरा करण्यात येतो. या उत्सवाच्या माध्यमातून भवाळकर कुटुंबीयांनी आपली धार्मिक परंपरा आणि संस्कृती जोपासली आहे. त्यांच्या या उपक्रमाचे ग्रामस्थांकडून कौतुक करण्यात येत आहे.
