प्रतिनिधी राजाराम गायकवाड
शिक्रापूर – कोंढापुरी (ता. शिरूर) : “टाळी वाजवली की मन हलकं होतं, शरीरात सकारात्मक ऊर्जा उसळते, मनुष्य मोकळा होतो, रडायला आलं तर रडा, व्यक्त व्हा, मनातलं मनात न ठेवता मोकळं करा. भावनांना मोकळी वाट दिली की जीवन सुंदर होतं ” असे प्रभावी प्रतिपादन वसंत हंकारे यांनी केले. कोंढापुरी येथील मल्हारगडावर सुरू असलेल्या चंपाषष्ठी महोत्सवातील विशेष व्याख्यानात त्यांनी उपस्थितांना मंत्रमुग्ध केले.
आई-वडील म्हणजे अस्तित्व : स्वतःचे संस्कार जपण्यावर भर देत ते पुढे म्हणाले, माझे आई-वडील म्हणजे माझं अस्तित्व. त्यांच्या पुण्याईमुळेच आपण असे सुदृढ आणि समर्थ आहोत. मावा–गुटखा खायला सांगणाऱ्यांवर प्रेम करणार… पण सोडायला सांगणाऱ्यांच्या मागे हात धुवून लागणार — अशा प्रवृत्तीला आपण रोखलं पाहिजे. मी त्या सत्य बोलणाऱ्या पंक्तीतला माणूस आहे.
छत्रपती शिवाजी महाराजांचा आदर्श जगात अद्वितीय :छत्रपती शिवाजी महाराज हे असे एकमेव राजे, ज्यांनी आपल्या राज्यातीलच नव्हे तर शत्रूच्या स्त्रियांचादेखील आया–बहिणीप्रमाणे सन्मान केला. हा आदर्श जगात दुसरा नाही.
मातृभूमी, आई-वडील आणि समाजासाठी कृतज्ञता आवश्यक : ज्यांनी आपल्यासाठी काही केले, त्या प्रत्येकासाठी आपण काय केले? आई-वडील, गुरू, मातृभूमी, समाज यांच्यासाठी कर्तव्य पार पाडणे म्हणजेच खरी कृतज्ञता असे त्यांनी स्पष्ट केले.
महामानवांची आठवण झाली की रक्त सळसळते : महामानवांचे नाव कानावर आले की आपल्या रक्तात सळसळ निर्माण होते. कारण त्यांनी चार भिंतींचा संसार केला नाही तर अखंड राष्ट्राचा संसार सांभाळला. म्हणूनच आपण आज ताठ मानेने जगू शकतो.
कार्यक्रमास सरपंच संदीप डोमाळे, शिव मल्हार सेवा ट्रस्टचे अध्यक्ष निळूभाऊ गायकवाड, माजी उपसरपंच आशिष गायकवाड, अर्जुन गायकवाड, तसेच व्याख्यान आयोजक अशोक ससे, माजी संचालक विजय ढमढेरे, समरजित गायकवाड,सागर गायकवाड, बापुसाहेब गायकवाड, विठ्ठल गायकवाड, बळवंत गायकवाड, रामदास गायकवाड, विलास चव्हाण, माणिक गायकवाड, कुंडलिक गायकवाड, दीपक गायकवाड, संतोष पवार, बाबाजी थोरात, अतुल पुणेकर, भाऊसाहेब थोरात, जयराम होलगुंडे, तसेच जिल्हा परिषद केंद्र शाळा आणि विद्यानिकेतन प्रशालेचे शिक्षक, विद्यार्थी आणि ग्रामस्थांनी मोठ्या संख्येने हजेरी लावली.
