धेय्य साध्य करा, सत्कर्म करा, समाजहिताची सांगड घालत आयुष्य आनंदी बनवा – व्यवस्थापक सुरेश साळुंखे

वाडेगाव येथील भारतीय जैन संघटनेच्या राष्ट्रीय सेवा योजनेच्या शिबिराला उत्साहात सुरुवात

वाडेगाव (ता. हवेली): प्रत्येकाने सुखी, समाधानी आणि आनंदी राहण्यासाठी सत्कर्म करणे अत्यावश्यक आहे, कारण कर्म फिरून आपल्याकडेच परत येते. सत्कर्म आणि समाजहिताची सांगड घालून जीवन अधिक सुखी करता येते, असे प्रेरणादायी विचार भारतीय जैन संघटनेचे प्रबंध समिती सदस्य सुरेश साळुंके यांनी मांडले.

वाडेगाव येथे भारतीय जैन संघटनेच्या कला, विज्ञान आणि वाणिज्य महाविद्यालयाच्या राष्ट्रीय सेवा योजनेच्या हिवाळी शिबिरात मार्गदर्शन करताना त्यांनी विद्यार्थ्यांना धेय्य निश्चित करून त्यादृष्टीने प्रयत्नशील राहण्याचा सल्ला दिला. “आपण आपले धेय्य ओळखले आणि त्यादृष्टीने प्रयत्न केले तर जीवन आनंदी व यशस्वी होईल,” असे त्यांनी सांगितले.

महाविद्यालयाचे प्राचार्य डॉ. संजय गायकवाड यांनी मोबाईलच्या योग्य वापराबाबत मार्गदर्शन केले. “मोबाईलचा उपयोग केवळ करमणुकीसाठी न करता अद्ययावत ज्ञान मिळवण्यासाठी केला पाहिजे. कृत्रिम बुद्धिमत्ता (AI) आणि आधुनिक ज्ञान हे विद्यार्थ्यांसाठी भविष्यातील आव्हाने पेलण्यासाठी अत्यावश्यक आहे. या साधनांचा प्रभावी वापर करत भारताचे सक्षम नागरिक बना,” असे त्यांनी विद्यार्थ्यांना उद्देशून सांगितले.

गावाच्या विकासासाठी प्रयत्नशील सरपंच वैशाली केसवड यांनी राष्ट्रीय सेवा योजनेच्या माध्यमातून गावामध्ये सलग तीन वर्षे झालेल्या वृक्षलागवडीचे कौतुक केले. “ग्रामस्थांचे सहकार्य भविष्यातही असेच लाभेल, याची खात्री आहे,” असे त्यांनी नमूद केले.

कार्यक्रमात प्रा. चक्रधर शेळके, डॉ. स्वाती कोलट, सिनेट सदस्य डॉ. रमेश गायकवाड, प्रा. बळवंत लांडगे यांसह अनेक मान्यवर आणि शिबिरार्थी उपस्थित होते.

या शिबिराने विद्यार्थ्यांना समाजसेवेच्या महत्त्वाबरोबरच जीवनातील खरे धेय्य साध्य करण्याचा मार्ग दाखवला

यावेळी राष्ट्रीय सेवा योजना कार्यक्रम अधिकारी प्रा.चक्रधर शेळके, डॉ स्वाती कोलट, सिनेट सदस्य रमेश गायकवाड, प्रा.रुपाली गुलालकरी, प्रा.सुभाष शिंदे, प्रा.निखिल आगळे, प्रा.अंगद साखरे, कार्यालयीन अधीक्षक श्रीशाम पाटील, प्रा.वीरेंद्र यादव, बटुळे,तिवारी, शिंदे मामा व १०० शिबिरार्थी उपस्थित होते.